Nasrullo Ergash: MANZILSIZ MAKTUBLAR

Men manzilsiz xatlar yozaman,

Maktublarim egasi yo‘qdir.

Kimdir uni ochib xilvatda,

Ko‘zyosh bilan ohista o‘qir.

Men manzilsiz xatlar yozaman,

Ammo ular chiqqandir yo‘lga.

Umidvorman va ishonaman –

Yetgay bir kun intizor qo‘lga!

Men manzilsiz xatlar yozaman,

Satrlarga joylab o‘zimni.

Ne uchundir o‘qigan odam

Meni emas, ko‘rar o‘zini.

Maktubimni o‘qigan odam

Pichirlaydi: xatdagi men-ku.

Meniki-ku mana bu armon,

Meniki-ku mana bu orzu…

Men manzilsiz xatlar yozaman,

Maktublarim kimgadir yoqar.

Kimdir esa uni parishon

Olovlarga maydalab otar.

Men-chi, uni o‘qigan odam

Yetsa deyman tilaklariga.

Shuning uchun xat yuboram