SIZ UCHUN

Har bir insonda iste’dod uchquni bor. Uni faqat talant alangasiga aylantirish har bir insonning o‘ziga, so‘ziga, qiziqishiga bog’liq. Minbar, mikrofon, videokamera sizning izmingizda bo’lishi mumkin. Qunt, ixlos, hafsala, qiziqish, mashq va mayl sizni maqsad manziliga yetkazadi.

  • Notiqlik san’atini o’rgatish
  • Konsert, to’y va bayram tadbirlarida, teleradio dasturlarida boshlovchilik mahoratini takomillashtirish
  • Videooperatorlik va videomuhandislikni o’rgatamiz
  • Ritorika va suxandonlik san’atini o’rgatamiz
  • Foto-video studiya xizmatlari: Hujjatli, ilmiy-ommabol va badiiy filmlar, videokliplarni tasvirga tushirish
  • Ansambl xizmati, to’y-hasham va yubiley tantanalarini o’tkazish, suratga olish va oliy darajadagi montaj ishlari
  • Prodyusserlik xizmatlari (aktyor va xonandalar tayyorlash)

YANGILIKLAR

  • Milliy taomlar tanlovida

    Tuzsiz taom bilan tussiz kalomni qabul qilish mushkul. Aynan bir joydan osh masalliqlarini olib kelasiz va to’rtta oshpazga taom tayyorlashni buyurasiz. Ular o’z didi va uquvidan kelib chiqib to’rtta qzonga yog’ solib turlicha tayyorlashadi. Har birining o’ziga xos ta’mi bo’ladi. Baholovchining didi ham har xil.

  • G’oya va himoya

    Yuksak bilimli, intellektual avlod mamlakatimizning taraqqiyotini belgilovchi omildir. Keng va atroflicha bilimga ega bo’lish esa kitob mutolaasi bilan chambarchas bog’liqdir. Kitob mutolaasi mulohazaga, mushohadaga chorlar ekan, demak o’qishdan maqsad uqishdir. Kimki ko’p kitob o’qigan bo’lsa, uning nutqi va xulqida ham ijobiy o’zgarishlar yaqqol namoyon bo’laveradi.

  • Ma’rifatga oshna, ma’naviyatga tashna qalblar

    Qushning parvozini qo’sh qanotisiz tasavvur qilish qiyin bo’lganidek, odamzot iqbolini, jamiyat istiqbolini ham ikki qanot – ma’naviyat va ma’rifatsiz anglash mushkul. Buni to’g’ri anglagan Xorazm viloyati xalq ta’limi boshqarmasi tizimidagi maktablarning ma’naviy-ma’rifiy ishlar bo’yicha direktor o’rinbosarlari o’z bilimlarini yangilash va mustahkamlash borasida malaka oshirdilar. 

  • So’z va dori shifotalabdir

    Toshkent shahar sog’liqni saqlash bosh boshqarmasi tizimidagi ma’naviyatchi shifokorlarga bugun «Ma’naviyat targ’ibotchisi» ta’lim muassasasida quyidagi masalalar bo’yicha saboq berildi. Erishilgan yutuqlar, egallangan marralar va amalga oshirilgan ulkan natijalar o’z-o’zidan bo’lmasligi ayon. Buning orqasida katta mehnat, jasorat va tajriba, aql idrok, muhimi, ong tafakkur qudrati borligini anglash va anglatish kerak.

  • Ishq dardi — qo’shiq qadri

    Inson tanasidagi dardni, qalbdagi og’riqni ham davolash uchun katta iste’dod kerak. Oldin doktorlik kasbida keyin esa san’atni umr mazmuniga aylantirishni niyat qilgan va buning uddasidan chiqa olgan qadrdon do’stimiz Shuhrat Yo’ldoshevning bugungi kunda san’at olamida o’z o’rni bor. Chunki qo’shiqchilik san’atini kitobxonlik madaniyati bilan uyg’un qila olgan, har bir qo’shiqning yaralishidan oldin qanchadan-qancha she’riy kitoblarni titkilab, undan yuragi jiz etganini saralab, unga mosu xos kuyni, yo’lni, uslubni topish, tanlash orqali muxlislar qalbiga yo’l topish mashaqqatini faqat tasavvur qilish mumkin.

  • Xalq dardi ila yashamoq

    Ijodiy jarayon o’ziga xos tadrijiylikka, ya’ni evolyutsion protsessga ega bo’ladi. Buning sababi hayotiy tajriba, ko’rgan va kuzatganlardan donishmandona xulosa, aql va qalamning charxlanishi, mahoratning tobora oshib borishidir. Taniqli adib Abdusaid Ko’chimovning hayotiy va ijodiy faoliyatiga birrov nazar ana shu fikrlarni tasdiqlaydi.

  • Shukuhli kunlar hayrati

    Har bir insonning o’z nigohi, baholash mezoni va  qalb qarichi bo’ladi. Mamlakatimizdagi bunyodkorlik ishlarini ko’rib zavq-shavqqa to’ladi. O’zgani ham ana shu zavqu shavqdan bahramand etgisi keladi. Xuddi shu niyatda qo’liga qalam oladi. Agar u jurnalist, publitsist bo’lsa, ana shu jarayonni o’z qarashlari bilan sharhlab yutuq va muvaffaqiyatlarning zamiriga chuqurroq nazar tashlaydi va tahlil ko’zgusidan o’tkazadi.

  • Inson manfaati inson ma’rifatidan

    Qomusimizning asosiy tamoyillaridan biri inson manfaatlarining hammadan ustun ekanligidir. Bu millatimizning qalbu qiyofatiga daxldor omil hamdir. Shunday ekan, mustaqil davlatimizning chorak asr mobaynidagi iqtisodiga doir faktlarning asosi va talqini mohiyatlidir. Bu ishga bosh qo’shgan fidoyi, iqtisodchi olim va manzur pedagog Abdurahmonov Qalandar Xodjayevichdir.

  • Yuristlarning nutq madaniyati

    Notiqlik san’atining shakllanishi  aslida, yuristlardan boshlangan. Mashhur voizlar TSitseron va Demosfen ota-bobosidan qolgan mol-mulkni amakisi va tog’asidan qaytarib olish niyatida o’sha paytda Afinaning davlat qonunlarini chuqur o’zlashtirgan holda, o’z yaqinlaridan ana shu mulkni qaytarib oladi. Natijada sud notiqligi tomir ota boshlaydi.

  • Sukunat malikasi

    She’riyatga oshna qalbda ezgulik, ona yurtga yolqinli muhabbat va vatanparvarlik tuyg’usi o’zgacha jilolanadi. Ko’rgan va kuzatganlaridan chiqazgan xulosalarni, umumlashma nazmiy bitiklarni qog’oz yuziga tushirib o’z kechinmalarini ifodalashga intiladi.

  • Ziyoratdan ziyo olib

    Ko’rgan, bilgan, o’qigan, eshitgan yoxud guvoh bo’lgan narsa-hodisaga munosabat og’zaki yoki yozma tarzda bo’lishi, shubhasiz. Ijtimoiy hayotda, oilada, mahalla yoki mehnat jamoasidagi tadbirlar, albatta, xabar yo’sinida ikkinchi bir shaxsga,  jamoaga yetkaziladi.

  • Bolalar — istiqbol oynasi

    Bolalarga e’tibor istiqbolga e’tibor ekani haq. Ularning ta’lim-tarbiyasi, qiziqish olami va ruhiy dunyosi bilan qiziqmaslik aslo mumkin emas. Ular uchun tayyorlanadigan kitob, jurnal va gazetalarning mohiyat-mazmuni ahamiyatlidir. Ular uchun kasb-hunar va ilmga yo’naltiriladigan turli to’garaklar ham e’tibordan chetda qolishi nojoiz.

  • Sport sohasiga ixtisoslashgan nashriyot

     

    Sportga beriladigan ta’rif zamonlar aro o’z mohiyatini hech qachon yo’qotmagan. Sport – tinchlik elchisi. Sport – do’stlik jarchisi. Haq gap. Dunyo xalqlarining shon-shuhrati, o’rni va rutbasi ham ana shu tushunchalar orqali o’z aksini topishi muqarrar.

  • Vatanparvarlik — fidoyilik

    O’zbekiston mudofaasiga ko’maklashuvchi “Vatanparvar” tashkiloti uyushgan fuqarolarning ommaviy-mudofaa, sport-texnik va vatanparvarlik borasidagi umumiy manfaatlarini himoya qilish va Tashkilotning ustavda belgilangan maqsadlariga erishish uchun birgalikdagi faoliyat asosida tashkil etilgan jamoat birlashmasi tashkiliy-huquqiy shaklidagi nodavlat notijorat tashkiloti hisoblanadi.

HAMKORLARIMIZ

Hamma muvaffaqiyatlarimizning garovi — har damda, har qadamda, hamisha hamrozilik, hamfikrlik va hamkorligimiz halqasi bilan.

TOSHKENT VILOYATI XALQ TA’LIMI XODIMLARINI QAYTA TAYYORLASH VA ULARNING MALAKASINI OSHIRISH INSTITUTI
Manaviyat targ’ibotchisi NTM
Manaviyat targ’ibot markazi
Iqtidor
Madaniyat va ma’rifat
Mahalla

O‘quv kurslari, prodyuserlik ishi,klip va badiiy filmlar, fotovideo va ansambl xizmatlari bilan hamkorlik qilish.

Til, ovoz, tasvir, nutq go‘zalligiga erishish yo’llarini o‘rgatamiz.

Badiiy filmlar, intellektual musobaqalarni namoyish qilish, taniqli san’atkorlar bilan muloqot va konsert dasturlarini uyushtirish, rasmlar va fotoalbomlar ko’rgazmasini tashkil etish.

Ilmiy va badiiy kitoblar, darslik va o‘quv qo‘llanmalarining audio nusxalarini tayyorlab berish va ovoz yozish.

Hofizlar, notiqlar, qo’shiqchi shoirlar, drama va kino aktyorlari, diktorlar, davrakashlar, raqqosalar, xattotlar, estrada xonandalari, sportchilar va boshqa san’at hamda madaniyat xodimlarining faoliyatini yoritish va ommalashtirish.

Faoliyatimizning yoritilishi: radiostudiyalar, television kanallar, matbuot nashrlari — gazeta va jurnallarda olim, shoir, yozuvchi, munaqqid, san’atkorlar va soha mutaxassislarning fikrlari.