Mahalliy aholining ruhiyatini tushirmaslik uchun vaziyat atroflicha o‘rganilib, manfaatli chora-tadbirlarni amalga oshirish eng to‘g‘ri va maqbul yo‘ldir. Tahlillar harakatning ibtidosi, faoliyatning va muammolarning kalitidir. Ma’lumki, O‘zbekiston Respublikasi Prezidenti Shavkat Mirziyoyev Sirdaryo viloyatida yuz bergan favqulodda hodisa sababli ushbu hududda bo‘lib turibdi.

Davlatimiz rahbari raisligida Guliston shahrida mutasaddi rahbarlar, huquq-tartibot idoralari mas’ullari, jamoatchilik vakillari ishtirokida yig‘ilish o‘tkazildi.

Tadbirda Sardoba suv ombori to‘g‘onining kutilmaganda ochilishi va uning oqibatlari atroflicha tahlil qilindi, tegishli xulosalar chiqarildi.

Aholi salomatligini saqlash, talafot ko‘rganlarga moddiy va ma’naviy yordam ko‘rsatish, ijtimoiy ob’ektlar va qishloq xo‘jaligi maydonlarini tezroq tiklash bo‘yicha dolzarb masalalar muhokama qilinib, zarur chora-tadbirlar belgilandi.

Bugun butun mamlakatimiz e’tibori Sardoba tumanidagi tabiiy ofat asoratlarini bartaraf etishga, suv toshqinidan aziyat chekkan yurtdoshlarimizga moddiy yordam ko‘rsatishga, ma’naviy qo‘llab-quvvatlashga qaratilgan. Olijanob va mehr-oqibatli xalqimiz hamjihat bo‘lib, Sirdaryoga oziq-ovqat, issiq kiyim-bosh va boshqa zarur mahsulotlar yuklangan ko‘mak karvonlarini yubormoqda.

Xulosa o‘rnida shuni aytish mumkinki, favqulodda hodisa va uning oqibatlari atroflicha tahlil qilindi, zarur chora-tadbirlar belgilandi

 Manba https://president.uz/oz/lists/view/3535 asosida tayyorlandi.